Hoxe, 9 de marzo, ás 20.15 horas, estrease no Casal de Ferreirós do documental “Vivencias de Muller” en homenaxe ás 5 mulleres que foron escollidas polo Consello Municipal da Muller na súa sesión do 31 de xaneiro de 2018, integrado por todas as asociacións de mulleres do municipio.
AULA CeMIT DO CONCELLO DE POIO
ACTIVIDADES PARA O MES DE MARZO
Poio, 20 de febreiro de 2018. A Aula da Rede de Centros para a Modernización e Inclusión Tecnolóxica da Xunta de Galicia, Rede CeMIT, do Concello de Poio realizará as seguintes actividades no mes de marzo:
FOLLA DE CÁLCULO LIBREOFFICE CALC (Nivel Medio)
Do luns 26 de febreiro ao venres 2 de marzo celebrarase o curso “Follas de Cálculo con LibreOffice Calc (Nivel Medio)”.Mediante este curso os usuarios e usuarias coñecerán o uso das funcións de cálculo de LibreOffice Calc, aplicar formatos condicionados, inserir gráficas ademais doutras posibilidades que ofrece esta aplicación de software libre.
O horario será de 18:00 a 19:30 horas.
A Concellería de Promoción Económica promove "Poio Crea 2018", unhas xornadas nas o obxectivo é axudar a persoas do municipio que estén a desenrolar unha idea de negocio. Para a creación destas xornadas contase ca colaboración dunha decea de empresarios do municipio que aportarán a súa experiencia e punto de vista para animar a emprender a tódolos asistentes.
A Policía Local de Poio inicia unha campaña de tenencia e posesión responsable de mascotas, co obxectivo de frear os comportamentos incívicos de quen non levan aos seus animais de compañía cos elementos de suxeición necesarios ou deixan os excrementos na vía pública. Os axentes prestarán especial atención ás infraccións comúns como non levar ao animal con correa e boceira, ou non recoller os excrementos do seu can. As infraccións da ordenanza municipal carrexan multas que poden oscilar entre 30 e 300 euros de contía, en función da gravidade do feito.
PROMOCION ECONOMICA
Poio está en continua transformación e crecemento. O noso municipio medra e o Concello de Poio, que sempre apostou e segue apostando pola posta en valor da nosa historia e das nosas tradicións, modernízase para adaptarse ós novos tempos e optimizar os nosos recursos. Poio é xa un lugar de referencia consolidado na xeografía mundial, e agora, grazas ás novas tecnoloxías, temos tamén o noso sitio neste espazo virtual, universal e participativo que é a Rede. Estamos agora máis cerca de todos, dos que vivimos aquí e dos que se atopan lonxe.