fbpx

O Concello de Poio lembra que aínda quedan prazas libres para Campaverán, Raxóverán e o Espazo Concilia, destinados a nenas e nenos de idades comprendidas entre os tres e os doce anos. Os dous primeiros están organizados pola Concellería de Educación, mentres que o último é xestionado polo departamento de Igualdade. Coa organización destas iniciativas, o Goberno local mantén a súa aposta á hora de facilitar ás nais e pais de Poio fórmulas para poder conciliar a súa vida laboral e familiar durante os meses de verán, algo que agora é máis necesario ca nunca, toda vez que a problemática para a conciliación viuse acentuada pola crise sanitaria da Covid-19. O prazo de inscrición para todas as ludotecas permanecerá aberto ata o xoves 18 de xuño.