O alcalde de Poio, Ángel Moldes, anunciou hoxe a primeira baixada de impostos e taxas do novo Goberno para este mandato e, como mínimo, tamén dos últimos 20 anos. “Este goberno é coherente e responsable. Despois de moitos anos de falsas promesas, estamos no mandato dos feitos”, sinalou. Será no imposto de circulación ou viñeta e na taxa dos vados, que en ámbolos dous casos reducirán un 5% os recibos dos veciños. E os impostos que aínda non se rebaixan se conxelan, é dicir, non se aplica a subida do IPC.
“É un día histórico para Poio. Segundo nos comentan os técnicos municipais, non recordan que houbera outra diminución de impostos ou taxas neste concello”, manifestou o rexedor, ao tempo que puntualizou que “é certo que en 2015 minorouse o tipo impositivo da plusvalía do 23 ao 20%, pero en realidade foi unha compensación porque subiron as porcentaxes dos tramos por anos. Así pois, estamos nunha etapa nova, nun claro momento de cambio”.
O Concello de Poio ten aberto o prazo para participar no concurso de Tarxetas de Nadal, no que se premiará unha tarxeta de cada unha das cinco parroquias e, a finalista, será a postal que se utilice para facer a felicitación institucional.
No concurso poden participar todos os menores de 18 anos que residan en Poio cun único traballo. A data límite de presentación das tarxetas é o martes, 14 de novembro, e poden facelo nalgún dos centros escolares do municipio, nos locais das asociacións colaboradoras e organizadoras ou no departamento de Cultura do Concello de Poio.
Consulta as BASES
Ángel Moldes destaca “unha xestión eficiente e de control do gasto, que é o camiño que comezamos en xuño e que imos seguir durante todo este mandato. Un goberno responsable que escapa dos despilfarros e o fai sen renunciar nin á calidade nin ao contido”.
A deste ano foi a edición máis mariñeira e participativa, coidando os decorados, cunha programación ampla e variada, incluíndo como novidades de éxito os vermús mariñeiros ou a carpa museo e recuperando os fogos artificiais.
Dos 131.308 euros que custou a festa, case un tercio, 43.000 euros, xa foron para pagar as dúas únicas actuacións que deixaron contratadas os tres alcaldes.
O Concello de Poio presentou esta mañá a campaña “A violencia machista vai contigo, que non te enr@den”, para conmemorar o 25 de novembro. Unha campaña que comezou xa no mes de outubro e se desenvolverá ata o 20 de decembro, e que convida a facer unha reflexión crítica sobre o uso das novas tecnoloxías, en especial, entre os máis novos, e lembrar que hai que poñer normas e límites para facer un bo uso delas e redobrar os esforzos en educar en igualdade para previr as violencias. Para conseguilo, ademais do parón institucional e lectura do manifesto, a programación céntrase principalmente en obradoiros, teatro e exposicións para a rapazada, así como a andaina Camiño Violeta.
Ángel Moldes reuniuse esta fin de semana con veciños do Camiño do Castro: “Son pequenas actuacións que dan un gran servizo e contribúen a mellorar a calidade de vida das persoas”.
O alcalde de Poio, Ángel Moldes, reuniuse esta fin de semana con veciños do Camiño do Castro, en Campelo, para avanzar nunha colaboración entre o Concello e a asociación veciñal para eliminar un punto de vertido e adaptar dúas zonas novas con miradoiros.
Poio está en continua transformación e crecemento. O noso municipio medra e o Concello de Poio, que sempre apostou e segue apostando pola posta en valor da nosa historia e das nosas tradicións, modernízase para adaptarse ós novos tempos e optimizar os nosos recursos. Poio é xa un lugar de referencia consolidado na xeografía mundial, e agora, grazas ás novas tecnoloxías, temos tamén o noso sitio neste espazo virtual, universal e participativo que é a Rede. Estamos agora máis cerca de todos, dos que vivimos aquí e dos que se atopan lonxe.