fbpx

A concelleira de Dinamización Lingüística, Marga Caldas (BNG), e a responsable de Cultura e Educación, a tamén nacionalista Raquel Rodríguez, mantiveron esta semana unha reunión co secretario xeral de Política Lingüística, Valentín García Gómez, para traballar, de xeito conxunto coa Xunta de Galicia, no impulso de iniciativas que sirvan para vincular a promoción e o uso da lingua galega con eventos que neste 2022 adquiren un protagonismo especial, como son os 50 anos da declaración de Conxunto Histórico do núcleo de Combarro ou a XXX edición do Certame Literario Xaime Illa Couto.

O Centro de Información á Muller de Poio, situado na Casa Rosada, atendeu un total de 244 consultas entre os meses de abril de 2021 e 2022. De todas estas xestións, 75 corresponden a novas altas no que se refire a asesoramento xurídico ou psicolóxico, o que se traduce nun incremento de algo máis dun 30% con respecto ao exercicio previo.

A tenente de alcalde e responsable da área de Igualdade, Silvia Díaz (Avante Poio), lembra que son diversos os servizos e prestacións que se desenvolven a través do CIM.

O concelleiro de Obras e Servizos Municipais, Julio Casás (PSdeG-PSOE), visitou hoxe a contorna de Lameiriña e Caneliñas, na parroquia de Raxó, onde o Concello de Poio está a acometer unha importante actuación que servirá para mellorar e poñer en valor un dos núcleos principais da localidade. Acompañado polo responsable do departamento de Promoción Económica e Urbanismo, o tamén socialista Gregorio Agís, Casás Barral puido constatar o bo ritmo ao que avanzan os traballos, sinalando que, se non se produce ningún tipo de imprevisto, estarán finalizados en poucas semanas, antes da chegada do verán.

A concelleira de Benestar Social e Mocidade, a socialista Rosa Fernández, informa de que aínda quedan prazas libres para poder inscribirse na segunda sesión de Andainas de primavera, unha actividade aberta a persoas de todas as idades (en caso dos e das menores, deberán estar acompañadas por unha persoa adulta). A través desta iniciativa ofrécese á cidadanía a posibilidade de coñecer diferentes lugares de interese da provincia de Pontevedra, a través de rutas guiadas.

O Concello de Poio xa está en disposición de facer uso dunha parcela situada en Valiña, na parroquia de San Salvador, que se habilitará proximamente como aparcadoiro disuasorio. Trátase dun espazo que se atopa dentro do polígono 17, que figura definida como Solo Urbano Non Consolidable (SUNC) no Plan Xeral de Ordenación Municipal (PXOM). Tal e como explica o concelleiro responsable da área de Urbanismo, o socialista Gregorio Agís, nesta zona contémplase un desenvolvemento que servirá para dotar á área de novas zonas verdes e viais. Sen embargo, mentres o promotor non desenvolva esta actuación, a parcela poderá ser utilizada pola Administración local para habilitar prazas de estacionamento.