fbpx

O proxecto deseñado pola Concellería de Urbanismo e Promoción Económica, dirixida por Gregorio Agís (PSdeG-PSOE), para a recuperación e rehabilitación integral da antiga escola unitaria de Arén, na parroquia de Samieira, vén de consolidarse como un dos proxectos de maior calidade a nivel nacional dentro da convocatoria aberta para a obtención de fondos ‘Next Generation’, a través do Programa para la Rehabilitación de Edificios Públicos (PIREP), impulsado polo Ministerio de Transportes, Movilidad y Agenda Urbana. O ente dependente do Goberno central publicou hai uns días o listado das máis de 400 propostas presentadas polos concellos de toda España que recibirán estes fondos, entre os que se atopa o de Poio.



O Casal de Ferreirós, na parroquia de San Salvador, acollerá este xoves, a partir das 20.00 horas, o acto de inauguración da exposición ‘Mans de Muller’. Trátase dunha mostra elaborada pola artista Mila Alonso, que permanecerá aberta ao público ao longo de todo o mes de novembro nestas dependencias municipais. Esta iniciativa forma parte da campaña que desde a Concellería de Igualdade, dirixida pola tenente de alcalde, Silvia Díaz (Avante Poio), e o Centro de Información á Muller (CIM), organizan para conmemorar o Día Internacional para a Eliminación da Violencia contra as Mulleres.

A Praza da Granxa puxo este luns o punto e final á Festa do Samaín organizada pola Asociación de Mulleres Arela e o Concello de Poio, unha cita que chegou á súa décima edición e que supuxo todo un récord de participación. Máis de 1.500 persoas acudiron á carpa o domingo e o luns para gozar coas diferentes actividades impulsadas e pensadas para crianzas e maiores. Este luns, o protagonismo foi para Brais das Horas e os seus 'Contos para caghar patatillas', para os obradoiros de maquillaxe e baleirado de cabazas e, como non!, para o Truco e Trato.

Chega o mes de novembro e, con el, as castañas asadas cobran protagonismo no municipio de Poio. Ao longo das vindeiras fins de semana, o tecido asociativo das parroquias do concello impulsan os seus tradicionais magostos, contando coa colaboración do Concello de Poio. Serán dúas as citas que teñan lugar xa a finais desta semana. O sábado cinco de novembro a Asociación de Veciños de Lourido ofrecerá no parque de Costa Xiráldez racións de castañas para todas e todos. Posteriormente, o domingo 6, terá lugar no local de Río de Bois o magosto organizado pola Sociedade Cultural e Deportiva Samieira.

DESCARGAR PROGRAMA

A tenente de alcalde e responsable de Turismo, Silvia Díaz (Avante Poio), confirma que o programa Descubre Poio contará nos vindeiros meses cunha segunda edición. Deste xeito, volveranse impulsar a través desta iniciativa ciclos formativos gratuítos para profesionais do sector, ademais de continuar coas reunións de traballo para definir as liñas estratéxicas a seguir en 2023, de cara a “consolidar o noso concello como un destino de referencia tanto durante o verán como no resto do ano”.