CONVOCATORIA ABERTAAta o 05/04/2023 esta aberta a 2º convocatoria da Fase 9 e pódense presentar solicitudes oficiais. As solicitudes de axuda cubriránse a través do formulario normalizado (Anexo III) accesible desde a Sede Electrónica do Concello de Poio, ou tamén dispoñible en soporte papel no propio Concello. Para máis información pode dirixirse ao teléfono 986770001 ext 1241, ó correo electrónico Este enderezo de correo está a ser protexido dos robots de correo lixo. Precisa activar o JavaScript para velo. ou achegarse á oficina do ARI con horario de atención ó público os luns de 9:30 a 13:30 horas. Bases Documentación ANEXO I Solicitude de visita técnica ANEXO II Solicitude de redacción da memoria ANEXO III Solicitude oficial de axudas ANEXO IV Declaración responsable ANEXO V Comunicacion inicio de obra ANEXO VI Comunicación de remate das obras ANEXO VII Autorización para o uso de fotografías ANEXO VIII Autorización para a solicitude, xestión, tramitación e cobro da subvención |
É unha Oficina de Área de Rehabilitación Integral que xestiona axudas públicas en materia de vivenda orientado á conservación, mantemento, aforro de enerxía e e#ciencia enerxéticas. ARI é a Área de Rehabilitación Integral de Combarro tamén denominada Área de Rexeneración e Renovación Urbana (ARRU) Conxunto Histórico-Artístico de Combarro, declarada o 31/12/2002, e que abrangue o conxunto histórico artístico, o entorno do Camiño Real e o comprendido na delimitación do Plan Especial de Reforma Interior previsto no Plan Xeral de Ordenación Municipal.
O conxunto histórico de Combarro foi declarado Ben de Interese Cultural na categoría de “Conxunto Artístico Pintoresco” polo Decreto 3394 de 30/11/1972 (BOE 14/12/1972). Está incluído no Inventario de Bens de Interese Cultural de Galicia de acordo coa Lei 3/1995, do 30 de outubro, do Patrimonio Cultural de Galicia.
Índice de rúas incluídas no ARI Combarro: RÚA MAR (DO), PRAZA PEIRAO DA CHOUSA, RÚA SAN ROQUE, RÚA CHOUSA,PRAZA PEIRAO DA RÚA, CAMIÑO REAL, RÚA COSTA DE ARRIBA, RÚA COSTA DE ABAIXO, AVENIDA COSTA (DA), RÚA TARRÍO, CARREIRO CAMPO (DO), CARREIRO VEIGAS (AS), RÚA LAXE, CARREIRO CRUZ (DA), RÚA CEGA, RÚA PADRÓN (DO), RÚA FONTE (DA), PRAZA RUALEIRA, PRAZA FONTE (DA), RÚA RÚA (A), CAMIÑO TORRE (DA), CAMIÑO REDONDO (DO), RÚA PEDAPORTA, BAIXADA Á CHOUSA, AVENIDA CRUZ (DA).
¿Qué pode facer a ARI por mín?
O obxectivo esencial e prioritario da ARI é acadar as actuacións previstas no Conxunto Histórico Artístico de Combarro e o entorno do Camiño Real e o comprendido na delimitación do Plan Especial de Reforma Interior previsto no PXOM, ofrecendo a tódolos veciños e veciñas:
- INFORMAR das axudas públicas do Plan de Vivenda vixente e outras de interese.
- REXISTRAR na base de datos da Oficina as posibles intervencións en vivendas e edificios e crear unha listaxe de solicitantes de axudas.
- ASESORAR sobre as posibilidades de mellora da eficiencia enerxética e sostenibilidade das vivendas, actuacións de conservación en xeral, mellora da seguridade de uso e da accesibilidade.
- REALIZAR VISITAS TÉCNICAS previas necesarias para definir as actuacións subvencionables.
- REDACTAR as memorias técnicas de obra menor co obxecto de obter a licenza municipal de obras ou de comunicación previa, previo a solicitar a correspondente subvención.
- XESTIONAR E TRAMITAR os expedientes e seguimento das obras.
- COORDINAR as actuacións cos profesionais e empresas de construción en base aos requisitos establecidos nas axudas e normativa vixente.
AXUDAS PLAN ESTATAL VIVENDA 2018-2021 (PRORROGA)
As axudas na ARI de Combarro son as reguladas nos Plans Estatais en vigor, nestes caso o PEV 2018-2021 a través do convenio asinado entre o Ministerio de Fomento, Xunta de Galicia e Concello de Poio.
Persoas beneficiarias
Usuarios legais de vivendas, como propietarios, arrendatarios ou titulares dalgún dereito de uso sobre elas.
Actuacións subvencionables
- Mellora da eficiencia enerxética e sostenibilidade das vivendas unifamiliares e de tipoloxía residencial colectiva, incluídas as que se fagan no interior das súas vivendas. (mellora envolvente térmica, novas instalacións...)
- Actuacións de conservación en xeral e de mellora da seguridade de uso e da accesibilidade. (instalación de ascensor, salvaescaleiras, rampas...)
- Execución de obras ou traballos de mantemento e intervención nas vivendas unifamiliares e nos edificios, incluso no interior das vivendas, instalacións fixas, equipamento propio e elementos comúns.
Contía das axudas
- 40% do orzamento protexido.
- Ata 12.000 euros por vivenda + 1.000 euros para edificios e vivendas catalogadas ou BIC.
- 75% orzamento protexido.
- Unidades de convivencia con ingresos < 3 IPREM.
- Persoas con discapacidade ou maiores 65 anos.
O IGVS, con cargo aos seus orzamentos, subvencionará as actuacións na ARI coa contía máxima de:
- 10% do orzamento protexido.
- Ata 4.000 euros por vivenda.
O custe de todas as actuacións subvencionables anteriores constituirá a inversión da actuación, na que se inclúe os honorarios profesionais, custe de redacción dos proxectos, direccións técnicas ou facultativas, informes técnicos e certificados necesarios, gastos xerais e de xestión, excluídos impostos, taxas e demais tributos.
Axudas na ARI de Combarro
Neste momento estanse a desenrolar as seguintes actuacións incluídas nas Convocatorias de subvencións á rehabilitación de edificios e vivendas na Área de Rehabilitación Integral de Combarro:
-
As incluídas no Plan Estatal de Vivenda 2018-2021 (BOE 61 de 10/03/2018), correspondentes coa Fase 9ª de Combarro. Ditas actuacións deberán estar rematadas e xustificadas antes do 31 de agosto de 2025.
-
As incluídas na Prórroga do Plan Estatal de fomento do alugueiro de vivendas, a rehabilitación e a rexeneración e renovación urbanas 2013-2016 (BOE 298 do 10/12/2016), correspondentes coas Fases 7ª e 8ª de Combarro. Ditas actuacións deberán estar rematadas e xustificadas antes do 31 de decembro de 2023.
Desde esta Oficina estamos a traballar para acadar a declaración de Contorno Residencial de Rehabilitación Programada (ERRP) coincidente coa ARI de Combaro no Concello de Poio, encadrado no 1º Programa de axuda ás actuacións de rehabilitación a nivel de barrio, dentro do Real Decreto 853/2021, de 5 de outubro, polo que se regulan os programas de axuda en materia de rehabilitación residencial e vivenda social do Plan de Recuperación, Transformación e Resiliencia.
Normativa reguladora
Bases e convocatorias para a ARI Combarro
- Convocatoria e bases de axudas para a rehabilitación de vivendas no ámbito da Área de Rexeneración e Renovación Urbana do Conxunto Histórico Artístico de Combarro-Área de Rehabilitación Integral de Combarro (7ª FASE), e ampliación de prazo.
- Convocatoria e bases de axudas para a rehabilitación de vivendas no ámbito da Área de Rexeneración e Renovación Urbana do Conxunto Histórico Artístico de Combarro-Área de Rehabilitación Integral de Combarro (8ª FASE)
- Bases reguladoras e convocatoria das axudas á rehabilitación de edificios e vivendas na área de rexeneración e renovación urbana do conxunto histórico artístico – Área de rehabilitación integral de Combarro (9ª FASE)
-
Resumo na web do Ministerio de Transportes, Movilidad y Agenda Urbana
-
Programa de fomento de la regeneración y renovación urbanas y rural
Plan de Recuperación, Transformación y Resilencia
Plan Estatal de Vivenda 2022-2025
Aplicación na Comunidade Autónoma de Galicia do PEV 2022-2025 e RD 853/2021
Plan Estatal de Vivenda 2018-2021 (PEV 2018-2021)
Aplicación na Comunidade Autónoma de Galicia do PEV 2018-2021
Plan Estatal 2013-2016
Aplicación na Comunidade Autónoma de Galicia do Plan Estatal 2013-2016
Outras Axudas complementarias
Axudas compatibles coas axudas na ARI de Combarro.
Non compatibles coa ARI de Combarro